శ్రీ లక్ష్మీ వరహా స్వామి దివ్య వైభవం
శ్రీమహావిష్ణువు దశావతారాలలో మూడవదైన వరహ అవతారం శక్తికి నిదర్శనం. హిరణ్యాక్షుడిని సంహరించి, భూమండలాన్ని తన దంతాలపై మోసి రక్షించిన స్వామివారిని లక్ష్మీదేవి సమేతంగా పూజించడం వల్ల భోగభాగ్యాలు లభిస్తాయి.
భూదేవిని రక్షించినందున ఆయనను 'భూవరాహ స్వామి' అని పిలుస్తారు. ఇది ఎంతో శక్తివంతమైన రూపం. తన ఎడమ వైపున లక్ష్మీదేవిని కూర్చుండబెట్టుకుని ప్రసన్న వదనంతో అనుగ్రహిస్తారు. ఇక్కడ స్వామి కేవలం దుష్టశిక్షకుడే కాదు, భక్తులను బ్రోచే దయామయుడు.
స్వామి తన దంతాలపై భూమిని నిలబెట్టడం, మన జీవితంలోని ఒడిదుడుకులను తొలగించి స్థిరత్వాన్ని ప్రసాదించడానికి ప్రతీక.
వరహ స్వామి ఎడమ తొడపై మహాలక్ష్మీ కొలువై ఉంటుంది. వరహ జ్ఞానానికి చిహ్నమైతే, లక్ష్మీ ఐశ్వర్యానికి చిహ్నం. ఈ ఇద్దరి కలయికతో సన్మార్గంలో సంపాదించిన ధర్మబద్ధమైన ఐశ్వర్యం లభిస్తుంది.
పురాణాల ప్రకారం తిరుమల కొండల అసలు యజమాని శ్రీ ఆదివరాహ స్వామి:
తిరుమల క్షేత్ర నియమం ప్రకారం, వేంకటేశ్వర స్వామిని దర్శించుకునే ముందు మొదటగా శ్రీ ఆదివరాహ స్వామిని దర్శించుకోవాలి.
వేంకటేశ్వర స్వామి తిరుమలలో నివసించడానికి వరాహ స్వామి వద్ద అనుమతి తీసుకున్నారని ప్రతీతి. అందుకే స్వామివారికి సమర్పించే మొదటి నైవేద్యం వరాహ స్వామికే సమర్పిస్తారు.
తిరుమల క్షేత్రాన్ని 'వరాహ క్షేత్రం' అని పిలిచినట్లే, డోకిపర్రులో కూడా వరాహ స్వామికి అంతే ప్రాధాన్యత మరియు వైభవం ఉన్నాయి.
ఈ క్షేత్రంలో అడుగుపెట్టే ప్రతి భక్తుడికి వరాహ స్వామి రక్షణ కవచంగా నిలుస్తారు.
ఇక్కడి విగ్రహ ప్రతిష్ఠ మరియు పూజా కైంకర్యాలు వైఖానస ఆగమ శాస్త్రం ప్రకారం అత్యంత నిష్టతో జరుగుతాయి. దీనివల్ల భక్తులు స్వామివారి సన్నిధిని త్వరగా అనుభవిస్తారు.
శ్రీ లక్ష్మీ వరహా స్వామిని పూజించడం వల్ల కింది శుభఫలితాలు లభిస్తాయి:
భూమి కొనుగోలు, ఇల్లు కట్టుకోవడం, వ్యవసాయంలో రాణించడం మరియు భూమి తగాదాల నుండి విముక్తి లభిస్తాయి.
లక్ష్మీ సమేతుడు కావడం వల్ల ఆర్థిక లాభాలు, అప్పుల బాధల నుండి విముక్తి కలుగుతాయి.
శత్రు భయాలు తొలగి, సర్వ రక్షణ లభిస్తుంది.
ఇహలోక సుఖాలతో పాటు పరలోక మోక్షాన్ని ఇచ్చే దయామయుడు స్వామి.
శ్రీ లక్ష్మీ వరహా స్వామిని 'భూనాథుడు' అని కీర్తిస్తారు. డోకిపర్రులో ఆయనను సేవించడం వల్ల కింది ఫలితాలు లభిస్తాయని భక్తులు నమ్ముతారు:
చాలా కాలంగా ఇల్లు కట్టుకోవాలని ప్రయత్నిస్తున్నా ఆటంకాలు ఎదురవుతున్న వారికి స్వామివారి అనుగ్రహం లభిస్తుంది.
కోర్టు కేసులు, సరిహద్దు తగాదాలు ఉన్నవారు వరాహ కవచం పఠించడం వల్ల విజయం సాధిస్తారు.
గృహప్రవేశం చేసేటప్పుడు లేదా ఇంట్లో వాస్తు దోషాలు ఉన్నప్పుడు లక్ష్మీ వరాహ స్వామిని పూజిస్తే శాంతి లభిస్తుంది.
రుణ విముక్తి కొరకు లక్ష్మీ వరాహ స్వామి ఆరాధన అత్యంత శ్రేఠ్ఠమైనది.
అప్పుల ఊబిలో కూరుకుపోయిన వారు, వ్యాపారంలో నష్టపోయిన వారు స్వామివారికి అభిషేకం, తులసి దళాలతో అర్చన చేయడం వల్ల మార్గాలు సుగమమవుతాయి.
ఐశ్వర్య ప్రదాతయైన లక్ష్మీదేవి తోడుగా ఉండడం వల్ల భక్తుల ఇళ్లలో స్థిర లక్ష్మీ నివాసముంటుంది.
Namaste Devadevesha Varahavadana Prabho |
Mahalakshmi Samethaya Sarvasampatkarayate ||
Om Namo Bhagavate Varaharupaya Bhubhuvaḥ svaḥ |
Pataye Bhupatitva me dehi dapaya svaha ||
భావం: "దేవదేవుడు, వరాహ ముఖము కలవాడు, మహాలక్ష్మీ సమేతుడు, సర్వసంపదలను ఇచ్చేవాడు అయిన వరాహ స్వామికి నమస్కారములు. ఓ భూపతి! నాకు స్థిరమైన భూలాభాన్ని (సొంత ఇల్లు, ఆస్తి) అనుగ్రహించుము."